الو كيفك دكتور رياض ؟ تمام دولة الرئيس .. شرفني بكرا ع فنجان قهوة بالسراي ، ايه اكيد دولة الرئيس انا كنت بدّي اطلب موعد في كم شغلة بدّي احكيك فيهن ..
شرف رياض ..عالسراي بعد السلام المتبادل نجيب سأل رياض شو الوضع المالي حالياً؟ اجاب سلامة مستقر بس ما في ضمانات يضل هيك ..
دولة الرئيس في افتراء كبير عليه عّم صير بدول غربية عّم يحركوا جماعات على خصومة معي بالداخل وهالشي بهز الامن المالي للبلد اكتر ما هو مهزوز بتمنى من دولتك تساعد بهل موضوع لان اذا ضل هيك الوضع موقفنا بالتفاوض مع البنك الدولي رح يكون سيء كتير وهالشي رح يعقد الوضع اكتر ..
نجيب ما تعتل هم كل هالقصص سببها الفراغ السياسي الحاصل بسبب انو الحكومة ما عّم تجتمع بس رح حل الموضوع ورح ترجع تجتمع الحكومةقريبا .. وقتها كل هالقصص بتهدا ومنروح بموقف موحد ع صندوق النقد ..
دكتور رياض متل ما بتعرف في ضغط شعبي كبير هالحكومة ..والقطاع العام رح ينهار وهلق معطل بالاضرابات وبسبب غلاء المعيشي والنقل وكتير أمور
ولنقدر نركز وضع البلد لازم نقدم شي للقطاع العام لتبقى الدولة وتقدر تحكي مع المجتمع الدولي ..
مفهوم دولة الرئيس شو بتقترح ؟ عملنا لجنة وزارية وكان فيها وزير المال وتوافقنا على اقتراح إعطاء سلفة للقطاع العام نصف راتب شهرياً ورفع بدل النقل عن كل يوم حضور لا ٦٤ الف ،وزير المال ما عارض وطلب راييك وموافقتك ، فشو راييك بيمشي الحال ..
دولة الرئيس الاقتراح منطقي بالمبدأ بس قلو تداعيات عديدة خصوصا مع البنك الدولي والاحتياط عنا ما بقى يسمح.
نجيب شو الحل برأييك ؟ سلامة فينا نطبع ١٠ الاف مليار ليرة تغطي هي الزودة؟ نجيب شو تأثير هالشي عالوضع المالي ؟ رياض فينا نضبط التأثير بكتير أمور متل الاستقرار السياسي وتفعيل الحكومة واستمرار التفاوض مع البنك الدولي؟ رح يرتفع سعر الدولار شوي بس ممكن يضل مضبوط بتفعيل منصة صيرفة والمصرف المركزي يوقف بيع الدولار متل ١٠ ٪ للمحروقات وامور تانية لان الاحتياط بالمصرف ما لازم ينقص عن ١٤ مليار $ ..
نجيب يعني فينا نقول بيمشي الحال ؟ اَي دولة الرئيس رح اعمل المناسب ..
المناسب كان هو بداية جنون الدولار.. كبداية لنتيجة تضخم التضخم .. وطباعة ١٠ الاف مليار رح يقبضها القطاع العام ١٠ باليمين ويدفعها ٣٠ بالشمال ..
عباس المعلم / كاتب سياسي
