وكالة نيوز اخبار – مقالات – دراسات
مقالات مشابهة
جنبلاط الحزب خرب بيوت اللبنانيين بالخليج !
وانت يا بيك شو عملت بحياتك غير الخراب ؟ خربت بيوت مئات الاف اللبنانيين بلبنان وهجرت عشرات الألف عن قراهم وأرزاقهم ؟واديش خربت أرزاق ناس باحتكاراتك ، واديش ناس تسرطنت بسبب معاملك! خربت وأفسدت بالسياسة والاقتصاد برعاية غازي كنعان ؟ ورجعت خربت بلبنان وبسوريا لما انقلبت ع سوريا ؟
انت حريص على السعودية والخليج وبدك تتسول عندهم وهني مش معبرينك! ليه ما كنت حريص على هالعلاقة ب ٢٠١٩ لما وصفت حرب السعودية على اليمن بالعبثية ووجهت نصائح لبن سلمان وكأنو هو شخص مش راشد وانت افهم منو ..
بعرف منيح انك صرفت اموال من ” جيبك الخاص” هالسنتين مساعدات اجتماعية ولمواجهة الكورونا ؟ صح هني من مال الاحتكار والدولة والناس بس اول مرة بتصرف هالقد على امل التعويض من جهة خارجية ما !بس لانت ما بتعرفوا انو بن سلمان مختلف عن من سبقه بحكم المملكة ؟ يعني اد ما تبيعو مواقف مرح ينعم عليك بمكرمة هيدا الشي ولى بالسعودية سأل صاحبك سعد وغيرو ؟
صبرت كتير عالحزب ؟ بس عشو لانن طولو ليفتحولك خط على بشار الاسد ؟ او لانهم ما رضخوا لابتزازك باكتر من مناسبة ليكون الك حصة ببطاقة السجاد والمازوت الإيراني!!
او لانهم حطوا عالسكة تحرير احتكار الترابة وعندك رعب من بدء استيراد الترابة من الخارج ؟
طلاع من مربع هالصبر ورجاع قطاع طرقات وصعد بالحكي ووتر الجبل من جهة الساحل والبقاع ونيحا ؟ واستطلع كل خطوة بدك تعملها من مناطق كاشفة متل تلة ٣ تمانات وبيت الرفيق غازي ببيصور؟ بس انت وعم تعمل كل هالاشياء اوعك تفقد صبرك على ابنك تيمور لي مأثر بالمجتمع المدني اكتر ما مأثر فيك وبجدو وستو …
” عباس المعلم “
